Zuzeu Podcastek aurkezten du: Urpeko Bonbarda, Anartz Bilbao gidari duen musika saioa.

Bigarren saio honetan lehen monografikoa egin du gure podcastak, DAVID BOWIE zenari buruzkoa, bost urte igaro baitira zendu zela.

Bowiek hil ondotik argitaratutako "Trying to Get to Heaven" entzungo dugu, Bob Dylanen kantuari egindako berrirakurketa, baita "Cactus" ere, kamaleoiak kantatu zuen Pixies taldearen kantua. Bertsioekin jarraituz, Duke Zuriari egindako bi: "Five Years", Tahures Zurdos iruindarren ahotan, eta "The Man who Sold the World" harrigarri samarra, Silvia Perez Cruzek kantatua.

The Stooges taldearen "Raw Power" ekoiztu zuela eta, Iggy Popen taldearen "Gimme Danger" ere entzungai izango dugu, baita "Satellite of Love" ere, Lou Reed zenaren "Transformer" ere David Bowiek ekoiztu baitzuen. Elkarlanekin bukatzeko, Queen taldearekin batera ondutako "Under Pressure" ezaguna ere izango dugu Urpeko Bonbardan.

Guzti honetan gain, jakina, baita Bowieren zenbait kantu ere: hastapenetako "Aladine Sane", 80. hamarkadako "Modern Love" eta azken diskoko "Lazarus".

Aparte, Xabier Montoiaren olerki bat eta Bowie hil berritan Iban Zalduak idatzitako zutabea ere entzungo ditugu. Eta Fermin Etxegoienen adierazpenak, Bowie omenduz.