जुनी सृष्टी... नवी दृष्टी..

काम करुन आपण पैसा कमावला पाहिजे, आपल्यावर अवलंबून असलेल्या सर्व परिवारांचे भले झाले पाहिजे, त्यासाठी आपण काय बनवतोय याला फारसे महत्त्व नाही. बिझनेस म्हणजे `लोक` आणि बिझनेस म्हणजे `पैसा`. या दोन्ही गोष्टी व्यवस्थित असतील, ती कुठलीही गोष्टी म्हणजे बिझनेस. 

What is Moving Aspirations मूव्हिंग ॲस्पिरेशन्स... `नेक्स्टजेन`च्या २५ परिणामकारक कथा?

तुला काय कमी आहे? तुझ्या आईवडिलांनी तुझ्यासाठी हे सारे उभे करुन ठेवलेले आहे, तुला फक्त सांभाळायचे आहे...`` बोलणारा सहज बोलून जातो आणि आपल्या उद्योगातील नवनवी आव्हाने पेलणाऱ्या नव्या पिढीतील उद्योजकाच्या मनाला ती बोच लागते. आधीच्या पिढीने पाया मजबूत केलेला असतो आणि नव्या पिढीला त्यावर उत्तुंग इमारत उभी करायची असते. कसा असतो हा प्रवास? प्रसिद्ध प्रेरक लेखक दत्ता जोशी यांच्या संकल्पनेतून आणि शब्दांतून साकारलेली ही संग्राह्य यशोगाथा.