MUJHE SHIKAYAT HAI

Take Ser Bhaji, Take Ser Khaja, Jahan Kahavat Hai,
Us Andher nagri, us chaupat raja se Mujhe Shikayat Hai!
To kul milakar yeh hai ki is series mein main hounga, aap honge, haas hoga, parihaas hoga, baat gambhir hogi, andaaz mein lekin vyang hoga. Rasta Parsai ka hoga, Chakklas kaka ki hogi aur hogi bahut sari shikayatein jo mujhe hai, shikayatein jo aapko hai, aur shikayatein jo hamare aapke jaise bahut se logon ko hai. To hum aur aap sath mein bhopu lagakar jor se bolenge  - Mujhe Shikayat Hai

What is MUJHE SHIKAYAT HAI ?

Namaste Mai Hoon Nitin Sukhija aur seedhi si baat hai, ki Mujhe Shikayat Hai!
Kisse hai? Arre mat poochiye, yeh poochiye kisse nahi hai?
Aur mujhe hi kyu, aaj ki taarikh me har aadmi ko... aurat ko bhi, kisi na kisi se shikayat hai hi!
To phir mujhe bhi hai!
Bhai dekhiye, duniya me do tarah ke log hote hai.
Ek woh jinhe kisi cheez se koi problem nehi hoti, koi shikayat nehi hoti.
Aur doosre woh, jinhe har cheez se problem hoti hai.
Hum aadmi zara duje kism ke hai.
Ek aur shikayati log hai - mujhse bhi zyada.
Woh peechle 10 se 70 saalon ki shikayatein lekar baithe hai.
To hume to shikayat hai!
Garv se kehte hai, Mujhe Shikayat Hai!