सर्वेषु अस्ति ईश्वरः

कदाचित् गुरुकुलस्थाः छात्राः भिक्षाटनार्थं यदा समीपस्थं नगरं गतवन्तः तदा कश्चन उन्मत्तः गजः दृष्टः तैः । सर्वे छात्राः जनाः च इतस्ततः धावितवन्तः । किन्तु तेषु एकः छात्रः ईश्वरः सर्वेषु प्राणिषु अस्ति इति यद् गुरुणा उक्तमासीत् तत् स्मृत्वा तत्रैव स्थितवान् । गजस्य हस्तिपकः 'मूढ !! अपसरतु अपसरतु' इति उक्ते अपि सः तत्रैव स्थितवान् आसीत् । गजः तं बालं स्वशुण्डया गृहीत्वा दूरे क्षिप्तवान् । यदा गुरुणा प्रवृत्तं सर्वं ज्ञातं तदा सः अवदत् 'गजे यथा तथा हस्तिपके अपि ईश्वरः अस्ति । कथं तस्य वचने विश्वासः न कृतः ?' इति । तदा शिष्येण स्वस्य मूर्खतायाः अवगमनम् अभवत् ।
(“केन्द्रीयसंस्कृतविश्वविद्यालयस्य अष्टादशीयोजनान्तर्गततया एतासां कथानां ध्वनिप्रक्षेपणं क्रियते”)
A group of gurukula students went to a nearby town for alms. They saw a mad elephant, and everyone fled. One student, recalling the teacher’s words that God is in all beings, stood still. Even when the mahout warned him to move, he did not. The elephant threw him aside. Later, the teacher explained: ‘God is in the mahout too—why did you not heed his words?’ The disciple then realized his folly.

What is बालमोदिनी?

सम्भाषणसन्देशः इति संस्कृतमासिकपत्रिका (https://sambhashanasandesha.in) । एतस्यां पत्रिकायां प्रकाशिताः लेखाः, कथाः, बालकथाः, वार्ताः इत्यादिकं सर्वम् अपि सरलसंस्कृतेन एव प्रकाश्यते । तत्रत्याः “बालमोदिनी”नामिकाः बालकथाः अत्र प्रसार्यन्ते । अतः अस्याः शृङ्खलायाः नाम अपि “बालमोदिनी” एव । लघु गात्रं, सरला भाषा च कथानां विशेषः । प्रत्येकं कथा काञ्चित् नीतिं बोधयति । बालकथाः आबालवृद्धं सर्वेषां प्रियाः । संस्कृतेन ताः श्रोतुम् उपलब्धाः भवन्तु इति एषः प्रयत्नः श्रोतृभ्यः अवश्यं रोचेत इति विश्वासः । संस्कृतक्षेत्रे संस्कृतेन पॉड्कास्ट् क्रियमाणाः एताः प्रप्रथमाः कथाः इति सगौरवम् उद्घोष्यते ।

Sambhashana Sandesha is a Sanskrit monthly magazine (https://sambhashanasandesha.in). The articles, stories, children's stories, news, and other content published in this magazine are all presented in simple Sanskrit. Among these, the children's stories titled “Balamodini” are featured. The series is named “Balamodini” as well. The hallmark of these stories is their short length and simple language. Each story imparts a specific moral lesson. Children’s stories are cherished by everyone, young and old alike. It is believed that listeners will appreciate this effort to make these stories available in Sanskrit. These are the first stories to be podcasted in the Sanskrit language within this field.