Elle ja Májjá máilbmi

Ovllá-eanu lea fitname guossis Bizobázovuovddis, ja Májjá ribaha nahkáriid su biiladáhki nala. Movt de geavvá go Ovllá-eanu vuoddjá ruoktot?

What is Elle ja Májjá máilbmi?

Oahpásnuva bussáčivgga guoktáin Elliin ja Májjáin. Soai orruba muhtin rukses dálus guhkkin Bizobázovuovddis. Doppe soai orruba ovttas dálueamidiin, spiinniin, gusain ja vuonccáiguin, ja riebaniin, garjjáin ja visot daiguin eará elliiguin mat orrot vuovddis das lahka. Čuovo sudno girjás vásáhusaid. "Elle & Májjá máilbmi" lea digitála muitalusráidu smávvamánáide podkast-hámis. Ráidu almmuhuvvo sihke davvisámegillii ja dárogillii. Das lea gehppes ja álkis giella, ja ulbmil lea stimuleret mánáid iežaset govahallannávcca guldaleami bokte. Norgga beale Sámediggi lea dorjon prošeavtta ruđalaččat.

"Elle ja Májjá máilmmi" muitaleaddji lea Biret Margrethe Oskal.

Dát podkásta gávdno maiddái dárogillii, dan namma lea "Elle og Majjas univers".