Gestur minn í þættinum um netöryggismál er Theódór R. Gíslason stofnandi netöryggisfyrirtækisins Syndis og stofnandi og framkvæmdastjóri sprotafyrirtækisins Defend Iceland.
Í villuveiðigátt Defend Iceland herma öryggissérfræðingar aðferðir tölvuglæpamanna við leit að öryggisveikleikum.
Tölvuglæpamenn finna öryggisveikleika eða villu í net-, tölvu- og hugbúnaðarkerfum og nýta sér þá til að brjótast inn og ná stjórn á kerfunum. Markmið þeirra er að ná stjórn á hugbúnaði kerfanna, taka vefi niður eða komast yfir stafræn gögn og halda þeim í gíslingu þar til fórnarlömb árásanna greiða lausnargjald fyrir gögnin.
Markmið Defend Iceland er að finna öryggisveikleika á undan tölvuglæpamönnum og sjá til þess að þeir verði lagfærðir áður en hægt er að valda alvarlegum skaða.