Heimsendir

Hvað myndir þú gera ef almannavarnir gæfu út eftirfarandi SMS: "Uppvakningar ganga um göturnar, vinsamlegast komdu þér í skjól hið snarasta!"? Gæti Covid-19 stökkbreyst í Zombid-21? Væri það þess virði að lifa af?
Urður Bergsdóttir leikkona hjálpar mér að leita svara við þessum vangaveltum og fleirum.

Show Notes

Í þessum þætti ræðum við Urður Bergsdóttir um allt sem viðkemur heimsendi af völdum uppvakninga. Umræðupunktar á borð við rafmagnsleysi, skotvopn vs. handvopn, Kringlan sem griðarstaður, tegundir uppvakninga og fleiri koma við sögu. 

What is Heimsendir?

Heimsendir eru þættir sem fjalla um Japan, japanska sögu og menningu. Þáttastjórnandinn Stefán Þór býr ásamt fjölskyldu sinni í Japan og segir okkur frá lífinu þar - hvernig það er að vera leikari í Japan, hvaða tækifæri eru að finna og hvaða áskorunum fólk þarf að mæta í landi hinnar rísandi sólar.

Heimsendir byrjaði sem umræðuþáttur um mismunandi sviðsmyndir heimsenda - allt frá gervigreind til uppvakninga, líftækni til heimsstyrjaldar. Nú þegar Stefán Þór er búsettur í Japan er fókusinn færður þangað en inn á milli má finna heimsendatengt efni á borð við uppgang gervigreindar, geópólitík Austur Asíu, Kína, Rússland og fleira.

Upphafs- og endastef: Ísidór Jökull Bjarnason.
Artwork: Sherine Otomo